SANDUK ME BUND ….WO KYA THA!!!
Title padhte hi aapko laga hoga ki jaise ye koi kavita ya sher o shairy hogi par afsos… unme se ye kuch bh nahi hai.. ye to bus kuch ek jazbaat hai jo kabhi aankho se aansu banker behte hai kabhi kalam se syahi banker…. Ye wo kuch beete pal hai jinhe hum kuch khaas ke sath jeete hai par waqt ke sath sath hum inhe bhul baithte hai…
Kal jub mai apna wahi apna purana sanduk lekar baithi to laga jaise wahi arsa aankho ke samne aankh micholi khelne laga ho, theek waise hi jais mai apne dost yaro ke sath khela karti thi din bhar, bina kisi chinta ke … na mujhe koi fikr hua karti thi nahi mere maa bauji ko.. kyuki tub samay kuch or tha… building me jitney bhi ghar hua karte the wo sare ek parivaar jaise rehte the… kisi ghar ka bacha kisi ke ghar me bhi khana kha lia karta tha…. Par aaj to ye sub kahai dikhta hi nahi mujhe… padosi padosi ka naam nahi janta…. Jarurat ke samay madad to dur ki baat hai , koi darwaza kholne ki bhi zehmat nai uthata…. Jane kaha gaye wo din jub kisi ek ghar me pareshani aa jane se mohalle bhar ke log uski himmat badhane aa jate the… aaj wahi log himmat badhane ke bajaye tamasha khada kar dete hai….
Kher, mai aapko apne sanduk ke bare me bata rahi thi… us snduk me kai sari purani cheze nikli… jo mere dil ke behad kareeb thi… par fir bhi usey ek band sanduk me rakhna pad rha tha … sirf is dar se ke log kya kahenge…..
Us sanduk me se nikli ek photo … thodi si fatti hui thi par chehre pehchane ja sakte the… wo photo thi meri 11th standard ki class photo.. jisme sare bache ek halki si muskurahat ke sath pose banaye khade the…mai bhi khadi thi us photo me…. Theek apni class teacher ke peeche….. wo photo dekhte hi wo pura samay chakra meri aankho ke samne dobara ghumne laga… or subse pehle jo mujhe yad aaya wo tha class ka wo din jub mujhse pucha gaya ki mai kya banna chahti hu or maine jawab diya journalist…. Class me baithe baki ke 45 baccho ki 90 aankhe mujhe kuch is kadar ghurne lagi ke mano maine koi dusri bhasha ka prayog kar dia ho… ye hiona wajib bhi tha kyuki waha baithe har bache ka ek hi sapna tha… docter/engineer banna…
Kher iske alava usme se mujhe purane note bhi mile jo puri tarah gal gae the… haalaki wo jyada purane nahi the par wo rakhe kuch is tarah the ki unka galna lazmi tha… ye wahi note the jo mujhe apna school top karne ki khushi me mile the…. Rs.1500, kehne ko ye behad choti rakm hai par mere liye yehi meri daulat hai…
En sub se chupakar maine or kuch bhi rakha tha or wo tha ek pyara sa tohfa jo mujhe kisi khas ne dia tha… us umr me jo ehsas tha wo pyar tha ke nahi ye mujhe nahi pata par jo tha apne samay ke liye bahtareen tha… par mere liye to dunia ka subse khubsoorat tohfa wo hi rahega or wo hai bracelet… nago se jada wo ek nayab sa tohfa , mere liye hi bana tha …. Aur jub bhi mai usey pehanti thi to meri aankho me khushi ki lehar daud jati thi...
Motio ki mala jaisi hamari zindagi bhi ktne hi khubsoorat lamho se bani hai … jinhe hum pal pal jeete hai…. Ye hamara haq hai or hamare farz bhi ki hum apni zindagi ko kabhi udaas na hone de or uska har lamha , har pal, khushio se labalab kar de…
No comments:
Post a Comment